Dr Verismus (ital. verismo, vo vero ‚woor‘) het ursprünglig e Ströömig in dr italiänische Liddratuur im 19. Joorhundert mit sozialkritische Ziil bezäichnet, wo s Lääbe vo de Buure und Fischer genau beschriibe het. Vo däm ursprünglige begriff us het mä am Ändi vom 19. Joorhundert ere Richdig vo dr italiänische Opere eso gsäit. Sit em Aafang vom 20. Joorhundert het dr veristischi Film z Italie en äigeni Dradizioon usgmacht. Sit de 1920er Joor het mä dr Begriff z Dütschland au in dr Kunstkritik brucht.