E Warmzit isch in dr Klimagschicht und au in dr Geologii e Zitruum mit durchschnittlig hööchere Tämpratuure zwüsche zwäi Zitabschnitt mit durchschnittlig diefere Tämpratuure, sognennte Chaltzite.[1] Wenn e Warmzit innerhalb vom ene Iiszitalter gmäint isch, so reedet mä au vo Interglaziaal oder Zwüscheniiszit, dr Usdruck Zwüschechaltzit wird sältener brucht.[2] Zur Zit isch d Ärde im ene Iiszitalter, em känozoische Iiszitalter. Das wird in chürzeri Abschnitt vo Chaltzite und Warmzite iidäilt. S geegewärtige Holozään, wo sit öbbe 12'000 Joor herrscht, isch son e Warmzit innerhalb vom ene Iiszitalter.
Lengeri Zitabschnitt in dr Ärdgschicht mit hööchere Tämpratuure (öbbe mit dr Lengi vo Ärdperioode) wärde au as Warmklimata bezäichnet. In sonige Zite git s uf dr Ärde normalerwiis käini gröössere Veriisigsgebiet, bsundrigs au nit in de Polregioone.
- ↑ Jürgen Ehlers: Allgemeine und historische Quartärgeologie. Enke, Stuttgart 1994, ISBN 3-432-25911-5.
- ↑ H. Murawski, W. Meyer: Geologisches Wörterbuch. Spektrum Akademischer Verlag, 11. Uflaag, 2004, ISBN 3-8274-1445-8