D Yongle-Enzyklopedii (chin. 永樂大典 / 永乐大典, Yǒnglè Dàdiǎn) isch e bedütendi chinesischi Enzyklopedii us em 15. Joorhundert (Ming-Dünastii), und gältet as d die berühmtisti Enzyklopedii us em chinesische Alterdum. Mee as 3'000 Gleerti häi anere gschafft und si isch 1408 fertig worde. S Wärk umfasst 22'877 Faszikel bzw. 11'095 Bänd.[1] S Voluume vom Manuskripte söll 40 m³ grooss gsi si, s wurd ere Regaallengi vo mee as 300 m entspräche.