D zuegwandti Ort sin Territorie gsii, wu mit de Alte Eidgenossenschaft durch ä System vun Verträg vobunde gsii sin.
D Alt Eidgenossenschaft isch ä zimli heterogens Gebilde gsii. Usser de Tagsatzung het s kei zentrali Institutione ghet, si isch viel meh usem komplexe Gflecht vun bi- un multilaterali Bündniss un Herrschaftsvohältnis zommegsetzt gsii. Mit zuegwandti Ort sin alli eidgnössische Biet bezeichnet worre, wo kei Vollmitglidr (wiä d drüzehn alti Ort) gsii sin, ondrersyts abr ä inneri Autonomie ghet hen, also kei Untertanebiet gsii sin.
D zuegwandti Ort sin gsii:
- D Fürschtabtei St. Galle
- D Stadt St. Galle
- D Drey Bünd (Graubünde)
- Wallis
- S Fürstbistum Basel (mit de fascht uabhängige Stadt Biel/Bienne)
- Neueburg
- Genf
- Milhüüse (bis 1789)
- Rottweil (ab Mitte vum 17. Jôhrhundart numme no e loser Bund)
Au di so gnannti Schutzort, wo mit de Innerschwiizer Kanton Schutzbündniss abgschlosse hen, werre mongmôl zue de zuegwandti Orte zählt:
- Rapperschwil
- Gersau
- Abtei Engelberg