.svg)
La República de Chechenia (rusu: Чеченская Республика, tr.: Chechénskaya Respúblika; Plantía:Lang-ce, tr.: Nojchiin Respúblika), tamién conocida a cencielles como Chechenia (en rusu: Чечня, tr.: Chechniá; en checheno: Нохчийчоь, tr.: Nojchicho), ye una de les ventiún repúbliques que, xunto colos cuarenta y siete óblast, nueve krais, cuatro distritos autónomos y dos ciudaes federales, conformen los ochenta y tres suxetos federales de Rusia. La so capital ye Grozni. Tres la disolución de la Xunión Soviética foi declarada la independencia del territoriu sol nome de República Chechena de Ichkeria, cola oposición del Gobiernu rusu, que dempués recuperó'l control del país tres les Guerres Chechenas.
Atópase allugada nel norte del Cáucasu, na parte más meridional d'Europa del Este y a menos de 100 quilómetros del Mar Caspiu.[1] Llenda col krai de Stávropol al noroeste, la república de Daguestán al sureste y este, Xeorxa al sur, y les repúbliques autónomes d'Ingusetia y Alania (Osetia del Norte) escontra l'oeste. Atópase allugada nel distritu federal del Cáucasu Norte. La capital de la república ye Grozni. Nel censu rusu de 2010, la república cuntaba con una población de 1 268 989 persones,[2] sicasí, esa cifra foi cuestionada por dellos demógrafos, que piensen qu'una crecedera de población dempués de dos cruentes guerres ye altamente inverosímil.[3][4]
- ↑ World Atlas (ed.): «Map of Chechnya» (inglés). Consultáu'l 18 d'ochobre de 2014.
- ↑ Serviciu Estatal d'Estadística de la Federación Rusa (ed.): «Всероссийская перепись населения 2010 года. Том 1 [Censu de población de 2010 de toles Rusias, vol. 1]» (rusu). Consultáu'l 18 d'ochobre de 2014.
- ↑ Error de cita: La etiqueta
<ref>nun ye válida; nun se conseñó testu pa les referencies nomaesFuller - ↑ 2010 Census Data is Adjusted to Meet Kremlin Priorities in the North Caucasus. 7. 2010. http://www.jamestown.org/single/?no_cache=1&tx_ttnews%5Btt_news%5D=37171. Consultáu'l 12 de marzu de 2011.