Edictu de Nantes

Infotaula documentEdictu de Nantes
Edictu de Nantes, conserváu nos Archives nationales de Francia.
Tipu Edictu y edict of French kingdom (en) Traducir
Estáu Francia
Epónimu Nantes
Tema Llibertá de cultu
Creación 13 abril 1598
Publicación 13 abril 1598
Robláu por Enrique IV de Francia
Cambiar los datos en Wikidata

L'edictu de Nantes (en francés: édit de Nantes) foi un edictu firmáu en abril de 1598 pol rei Enrique IV de Francia, pol que se garantizaba a la minoría protestante calvinista del país, conocida como hugonote, importantes derechos nuna nación mayoritariamente católica. L'edictu ratificó'l catolicismu como la relixón oficial del país y obligó a recuperar el cultu católicu nos llugares nos que s'interrumpiera[1], pero tamién garantizó la tolerancia relixosa colos hugonotes, que llevaban bien de tiempu sosteniendo una llarga y sangrienta llucha polos sos derechos.

L'edictu garantizaba a los hugonotes[2][3]:

  • La llibertá de conciencia y el derechu a practicar la so relixón (protestantismu) en determinaes villes y ciudaes del país.
  • El derechu a ser funcionarios públicos, incluyendo el derechu a ser xueces y administradores, ensin tener que renunciar a la so relixón.
  • El derechu a caltener les sos propies escueles y universidaes, y a que recibieran financiación estatal.
  • El derechu a fortificar, pola so seguridá, les sos villes y ciudaes.
  • El derechu a mantener un cuerpu militar propiu (conocíu como la milicia hugonote), pagáu pol gobiernu francés.
  • El derechu a participar en determinaes profesiones y actividaes comerciales, incluyendo la fabricación y venta de testiles ya armes.
  • El derechu a viaxar llibremente pol país ensin ser sometíos a rexistros o confiscaciones de les sos propiedaes.
  • El derechu a enterrar a los sos muertos en cementerios de so.

L'edictu ayudó a acabar coles guerres de relixón en Francia, que teníen arruinao el país dende varies décades atrás. Tamién aseguró que la minoría protestante tuviera ciertu grau de llibertá política y relixosa, y ayudó a convertir a Francia nuna sociedá más tolerante y pluralista. Sedría, nostante, revocáu por Lluis XIV en 1685, lo que provocó un éxodu masivu d'hugonotes del país, cola consiguiente perda de talentu y recursos pal país. Amás, aumentó la perceguera hacia Francia de les naciones protestantes de la so rodiada (Prusia, Inglaterra, Holanda).

El primer oxetivu d'esti edictu real yera promover la xunidá civil. Estremaba la xunidá relixosa de la xunidá civil, trataba a los protestantes, per primer vegada, como algo más que herexes y cismáticos, y derrompía'l senderu del secularismu y la tolerancia. L'edictu de Saint Germain, promulgada 36 años anantes por Catalina de Médici, garantizara una tolerancia llimitada a los hugonotes, pero foi sobrepasada pola realidá y nun foi rexistráu formalmente hasta dempués de la masacre de Wassy (1 de marzu de 1562), que foi la espoleta del españíu de la primera de les guerres franceses de relixón.

  1. ↑ «Persevering in the Faith: Catholic Worship and Communal Identity in the Wake of the Edict of Nantes». The Sixteenth Century Journal 35 (3):  páxs. 717–734. 2004. doi:10.2307/20477042. ISSN 0361-0160. https://www.jstor.org/stable/20477042. 
  2. ↑ Charles Tylor. The Huguenots in the Seventeenth Century (1892) pp 9–10.
  3. ↑ Geoffrey Treasure, The Huguenots (Yale UP, 2015) pp 226–229.