Era de los descubrimientos

Planisferiu de Cantino (1502), mapa más antiguu esistente amosando les esploraciones de Colón al Caribe, Corte Real a Terranova, da Gama a India y Cabral a Brasil. Amuésase la llinia del Tratáu de Tordesillas. Allugáu na Biblioteca Estense (Módena, Italia).

La era de los descubrimientos foi un periodu históricu que dio empiezu a principios del sieglu XV estendiéndose hasta empiezos del sieglu XVII. Mientres esta dómina los europeos, principalmente portugueses, españoles y británicos, percorrieron cuasi la totalidá del Planeta, cartografiándolo y conquistándolo en bona midida. El motivu de dicha espansión vieno pola necesidá d'aportar a les riqueces d'Asia coles cualos contribuyir al mercantilismu européu, pero la causa o causes últimes siguen siendo aldericaes.

Mientres estes esploraciones, los europeos llegaron a territorios habitaos y despoblaos qu'enantes nun conocíen. Ente los esploradores más famosos de la era de les esploraciones atópense Cristóbal Colón, Vasco da Gama, Pedro Álvares Cabral, Juan de la Cosa, Bartolomé Díaz, Giovanni Caboto, Diego García de Moguer, Fernando de Magallanes, Juan Sebastián Elcano, Andrés de Urdaneta, Diego de Almagro, García Jofre de Loaísa y Miguel López de Legazpi, Francisco Pizarro, Francisco de Orellana, Hernán Cortés, etc.

La Era de los Descubrimientos resultó l'aventura por antonomasia por cuenta de lo precario de los medios utilizaos: los navíos de la dómina resultaben bien débiles ante les nubes, los pilotos y capitanes nun podíen determinar con precisión la llonxitú,[lower-alpha 1] los cascos de madera de les naves yeren atacaos por teredos,[lower-alpha 2] l'alimentación resultaba desaparente pa llargues travesíes,[lower-alpha 3] la hixene y les condiciones de vida a bordu yeren males y nes espediciones per tierra la flora y les sos enfermedaes constituyeron un peligru tan grande o más que la hostilidá de los habitantes. Sicasí, impulsaos pola esperanza de llograr fortuna personal, materies primes bien valoraes nos mercaos, fundar una nueva sociedá o amontar los territorios de los sos respeutivos gobernantes, aquellos homes realizaron espediciones qu'enancharon el mundu conocíu polos europeos y de cutiu negatives consecuencies pa los pueblos descubiertu y conquistar debíu al choque cultural, les guerres y sobremanera les nueves enfermedaes.

Vasco da Gama llega a Calcuta en 1498. La India y l'accesu a los so recursos considérase'l detonante de la Era de los descubrimientos.


Error de cita: Esisten etiquetes <ref> pa un grupu llamáu "lower-alpha", pero nun s'alcontró la etiqueta <references group="lower-alpha"/> correspondiente