| Espresionismu | |
|---|---|
| movimientu artísticu y estilu artísticu | |
 |
L'espresionismu foi un movimientu cultural surdíu n'Alemaña nel entamu del sieglu XX, y que se va desarrollar tanto nes artes plástiques como en lliteratura, música, cine, teatru, baille o fotografía. Caracterízase por representar el mundiu dende un puntu de vista típicamente suxetivu ya emocional col envís cuasi siempre de producir nel espectador determinaes idees o un estáu d'ánimu. Al contrariu que, por exemplu, nel Impresionismu y nel Naturalismu, los artistes espresionistas defenden un arte más personal e intuitivu nel que tenga predominiu la visión interior del artista –la “espresión”– más que la representación de la realidá –la “impresión”. Nun sentíu más ampliu, l'espresionismu ye un movimientu que se da en cualquier dómina ya espaciu xeográficu, y asina podemos calificar tamién d'espresionistes a artistes como Matthias Grünewald, Pieter Brueghel el Vieyu, El Greco o Francisco de Goya.