| Islla d'Irlanda | |
|---|---|
.jpg) | |
| Situación | |
 | |
| Tipu | islla |
| Parte de | Islles britániques |
| Asitiáu en | Océanu Atlánticu |
| Coordenaes | 53°21′04″N 7°55′16″W / 53.351°N 7.921°O |
  Islla d'Irlanda Islla d'Irlanda (Irlanda) | |
| Datos | |
| Puntu más altu |
Carrantuohill (es)  |
| Superficie | 84 421 km² |
| Población | 6 572 728 (2016) |
| Fusu horariu | UTC±00:00 |
| Llonxitú | 450 km |
 | |
La Islla d'Irlanda, nomada tamién cenciellamente Irlanda (n'inglés Ireland, en gaélicu irlandés Éire), ye la tercer islla más grande d'Europa,[1] y la ventena del mundiu.[2] Alcuéntrase nel noroeste del continente européu y ta arrodiada por cientos d'islles ya isllotes. Al este d'Irlanda, separtada pol Mar d'Irlanda, ta la islla de Gran Bretaña. Políticamente, la República d'Irlanda abarca cinco sestes partes de la islla, con Irlanda del Norte (perteneciente al Reinu Xuníu) comprendiendo la parte restante.
La población de la islla algama poco más de los 6 millones de persones (datos de 2007), siendo 4,4 millones los habitantes de la República[3] (1,7 millones sólo na capital, Dublín, y estrarradios[4]) y los 1,75 millones restantes son los estimaos n'Irlanda del Norte[5] (800.000 na capital, Belfast, y nucleos averaos[6]). Éstos son datos persuperiores en comparanza colos rexistraos nos años 1960, pero siguen tando perdebaxu del máximu algamáu a entamos del sieglu XIX, con más d'ocho millones, anterior a la Gran Fame Irlandesa (años 1840).
El nome Irlanda deriva del nome Ériu (n'irlandés modernu, Éire) cola adición de la pallabra xermánica land. La mayoría de los otros nomes occidentales pa Irlanda deriven de la mesma fonte, como nel francés Irlande, n'asturianu, castellanu, italianu, rumanu, aragonés, catalán, gallegu, portugués y vascu, Irlanda, nel alemán, Irland y n'holandés, Ierland.
- ↑ Gran Bretaña como la mayor ya Islandia como la segunda.
- ↑ Ver Llista d'islles por área.
- ↑ CSO: Central Statistics Office Ireland
- ↑ Population of the Greater Dublin Area to reach 2 million by 2021, Central Statistics Office Ireland
- ↑ BreakingNews.ie - 'Migration pushes population in the North up to 1.75 million' Archiváu 2008-03-12 en Wayback Machine Demography and Methodology Branch, NISRA - Excel file
- ↑ "Background Information on Northern Ireland Society: Population and Vital Statistics Archiváu 2010-12-06 en Wayback Machine" from CAIN Web Service. Combined population of Belfast, Castlereagh, Carrickfergus and Lisburn. Accessed 6 de febreru 2007