_-_Kamchatka_Krai_(Crimea_disputed).svg)
Kamchatka (rusu: Камчатский край) ye unu de los nueve krais que, xunto colos cuarenta y siete óblast, ventiún repúbliques, cuatro distritos autónomos y dos ciudaes federales conformen los ochenta y tres suxetos federales de Rusia. La so capital ye Petropávlovsk-Kamchatski. Ta allugáu nel estremu este del país, nel distritu Llonxanu Oriente, llindando al norte con Chukotka, al este col mar de Bering y océanu Pacíficu, al sur coles islles Kuriles (Sakhalin) y al oeste col mar de Ojotsk.
Un krai fundáu'l 1 de xunetu de 2007[1] como resultáu de la fusión del óblast de Kamchatka y el distritu autónomu de Koriakia, dempués d'un referendu que tuvo llugar el 23 d'ochobre de 2005. El so centru alministrativu ye la ciudá de Petropávlovsk-Kamchatski. El ókrug o distritu caltién l'estatus de división alministrativa del krai sol nome de Distritu Autónomu de los Koriak.
Esti krai va tener un calter d'estáu de transición hasta que se constituya la cámara llexislativa del krai (Asamblea Llexislativa del krai de Kamchatka). O hasta'l 31 d'avientu de 2008, lo qu'asoceda primeru. Mientres esti periodu de transición, el Conseyu Popular de Diputaos del antiguu óblast y la Duma del antiguu Distritu Autónomu van llexislar nel krai.
El krai formáu por esta nuevu unión constitúi la península de Kamchatka y forma parte del distritu federal del Llonxanu Oriente.