 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
El términu militar fai referencia a los individuos (miembros), instituciones, instalaciones, equipamientos, vehículos y tou aquello que forme parte de forma direuta ya indixebrable de les Fuercies Armaes o exércitu; creáu y entamáu cola misión fundamental, pero non esclusiva, de defender la integridá territorial y la soberanía del país al que perteneza per mediu del usu de la fuercia y les armes en casu de ser necesariu.
En referencia a militar como miembru de les fuercies armaes, este va ostentar un puestu xerárquicu (rangu o grau) dientro d'elles. Polo tanto nun ye militar un individuu que perteneza a un grupu armáu más o menos entamáu, sinón namái los miembros de les fuercies armaes, seyan estes mayoritariamente profesionales o formaes por ciudadanos reclutados (casu de la lleva). Diches fuercies «non militares» conócense como paramilitares.
La doctrina que defende la primacía del exércitu na sociedá recibe'l nome de militarismu.