| Roca sedimentaria | |
|---|---|
tipo de roca (es)  | |
|
roca y material sedimentario (es) | |
 | |
 |
Les roques sedimentaries son roques que se formen por acumuladura de sedimentos, que son partícules de diversos tamaños que son tresportaes pel agua, el xelu o'l vientu, y son sometíes a procesos físicos y químicos (diagénesis), que dan llugar a materiales consolidaos.[1]Les roques sedimentaries pueden formase a les veres de los ríos, no fondero de ribayos, valles, llagos, mares, y nes desaguaes de los ríos. Tópense dispuestes formando capes o estratos.
Esisten procesos xeolóxicos esternos qu'actúen sobre les roques presistentes, estos axentes les meteorizan, tresporten y depositen en distintos llugares dependiendo del tresporte (agua, vientu, xelu). Otramiente, distintos organismos animales o vexetales pueden contribuyir a la formación de roques sedimentaries (fósiles). Les roques sedimentaries pueden esistir hasta una fondura de diez quilómetros na corteza terrestre. Estes roques pueden presentase sueltes o consolidaes, esto ye, que fueron xuníes a otres por procesos posteriores a la sedimentación, conocíos como diagénesis.
Les roques sedimentaries cubren más del 75 % de la superficie terrestre, formando una cobertoria sedimentaria que s'atopa sobre roques ígnees y, en menor midida, en metamórfiques. Sicasí'l so volume total ye pequeñu cuando se comparen sobremanera coles roques ígnees, que non solo formen la mayor parte de la corteza, sinón la totalidá del mantu.[2]
- ↑ Iriondo, Martin (2007-01-30). Introducción a la Xeoloxía (en castellanu). Editorial Bruxes. ISBN 9789875910614. Consultáu'l 2018-02-10.
- ↑ Mariña, M., Ferrer, M., Bonafeu, M.D., Estrada, M. & Roger, Y. 2009. Ciències de la Terra i del Medi Ambient, 1. Castellnou, Barcelona. ISBN 978-84-9804--510-9.