Adelaida — Avstraliya Ittifoqining janubidagi shahar. Janubiy Avstraliya shtatining maʼmuriy markazi. Aholisi shahar atrofi bilan 1,1 mln. kishi (1991). Torrens daryo kesib oʻtadigan qurgʻoqchil sertepa joyda. 1836-yilda bunyod etilgan. Adelaida- mamlakatning eng yirik sanoat markazi va portlaridan biri. Ikkinchi Jahon urushigacha Adelaidada asosan, oziq-ovqat sanoati (un tortish, meva konservalash, vino sanoati), toʻqimachilik, tikuvchilik va poyabzal sanoati rivojlangan. Mashinasozlik, elektronika, elektrotexnika sanoatining yirik markazi. Kime, neftni qayta ishlash va kemasozlik, quvur-prokati korxonalari, universitet, rasadxona(1874), agrar institut (1924), konservatoriya, badiiy va tabiat tarixi muzeylari, suratlar galereyasi bor[1].