Delaver

Delaver Delaware
Shtat
Delaver bayrogʻi Delaver tamgʻasi
Shtat laqabi: Birinchi Shtat (First State)
Mamlakat	AQSh
Poytaxt	Dover
Eng yirik shaharlar	Wilmington Dover Newark
Maydon    • Butun    • % suv	AQSh: 49-oʻrinda 6,447 km² 21.52 %
Aholi    • Butun (2021)    • Zichlik    • Senat oʻrinlari    • Elektoral ovozlari	AQSh: 45-oʻrinda 843,524 154.87 kishi/km² 1 3
YIM    • YIM    • YIM/kishi	AQSh: 38-oʻrinda $54,274 million $65,385
Ittifoqqa kirish    • Sana	1-boʻlib 7 dekabr 1787
Vaqt	UTC-5 (EST)
Qisqartma	DE [10]
Shtat guli	Peach blossom (Prunus persica)
Shtat daraxti	Scarlet oak (Quercus coccinea)

Delaver — AQSH shtati. Mamlakatning Atlantika okeani sohilida, Delmarva yarim orolning sharqiy qismida joylashgan. Maydon 5,3 ming km². Aholisi 796,1 ming kishi (2001). Maʼmuriy markazi — Dover shahar. Relyefi tekisliklardan iborat, botqoqliklar uchraydi. Iqlimi dengiz iqlimi, daryolari qisqa va sersuv. Keng bargli oʻrmon bor.

Delaver— industrial-agrar shtat, xoʻjaligining asosini sanoat tashkil etadi. Ayniqsa kimyo sanoati rivojlangan (AQShning yirik kimyo zavodlari shu shtatda). Kemasozlik, avtomobilsozlik, stanoksozlik, rezina, oziq-ovqat, toʻqimachilik sanoati, yuqori sifatli poʻlat ishlab chiqarish, metallsozlik muhim ahamiyatga ega. Yirik sanoat shahri va porti — Uilmington. Shahar atrofida intensiv qishloq xoʻjaligi (parrandachilik, sut chorvachiligi, sabzavotchilik) rivojlangan. Delaver — AQShning ilk bor (1776-yilda) tashkil topgan shtatlaridan. Shtat hududida yevropaliklar koʻchib kelgunga qadar indeyslarning delavar qabilasi yashagan. 1664-yilda inglizlar tomonidan bosib olingan.^[1]

1. ↑ OʻzME. Birinchi jild. Toshkent, 2000-yil