George Carlin

George Carlin
Tavalludi
George Denis Patrick Carlin

12-may 1937-yil
Nyu York, AQSh
Vafoti 22-iyun 2008-yil(2008-06-22)
(71 yoshda)
Santa Monica, Kaliforniya, AQSh
Fuqaroligi AQSH bayrogʻi AQSh
Veb-sayti georgecarlin.com
Imzosi

George Denis Patrick Carlin[1] (talaffuzi: Jorj Denis Patrik Karlin; kir. Жорж Карлин; 12-may, 1937 – 22-iyun, 2008) amerikalik qiziqchi, yozuvchi, ijtimoiy tanqidchi va aktyor boʻlgan. Komediya albomlari uchun beshta Grammy mukofoti olgan.[2] Carlin oʻzining qora yumori, siyosat, ingliz tili, psixologiya, din va turli tabu mavzular haqidagi fikrlari bilan tanilgan. Carlin va uning "Yetti iflos soʻz" komik dasturi 1978-yili AQSh Oliy Sudida qarab chiqilayotgan F.C.C. v. Pacifica Foundation ishida eʼtibor markaziga tushgan, unda 5-4 ovozlar nisbati bilan hukumatning ommaviy radioda soʻkish soʻzlarni senzuralash huquqi oʻz kuchida qoldirilgan edi. Bir gazetada Carlin "kontrmadaniyatchi qiziqchilar dekani" deb baholangan edi.[3]

1977-yildan uning HBO uchun maxsus tomoshalari yozila boshlandi. 1980-yillar oxiridan boshlab Carlin chiqishlari zamonaviy Amerika jamiyatining ijtimoiy-madaniy tanqidiga bagʻishlandi. U Qoʻshma Shtatlardagi siyosiy masalalarni muhokama qilib, Amerika madaniyatining keragidan ortiqcha qismlarini satira qildi. 2004-yili Carlin Comedy Central kanalining eng buyuk qiziqchilar roʻyxatida Richard Pryor'dan keyin ikkinchi oʻringa qoʻyildi.[4]

George Carlin 2008-yil 22-iyunda Santa Monica shahridagi kasalxonada yurak kasalligidan vafot etdi.[5][6] 2008-yil 10-noyabrida Carlin'ga vafotidan keyin Amerika yumori uchun Mark Twain mukofoti berildi.[7]

  1. ↑ „George Carlin Biography (1937–)“. FilmReference.com. Qaraldi: 30-iyul 2009-yil.
  2. ↑ „Comedian George Carlin wins posthumous Grammy“. Reuters (8-fevral 2009-yil). Qaraldi: 8-fevral 2009-yil.
  3. ↑ Norman, Michael. „George Carlin, counterculture comedians' dean, dies at 71“. The Plain Dealer (23-iyun 2008-yil).
  4. ↑ „Stand Up Comedy & Comedians“. Comedy Zone. Qaraldi: 10-avgust 2006-yil.
  5. ↑ Watkins M and Weber B (24-iyun 2008-yil). George Carlin, Comic Who Chafed at Society and Its Constraints, Dies at 71. NY Times archive Retrieved 6-mart 2011-yil
  6. ↑ „Grammy-Winning Comedian, Counter-Culture Figure George Carlin Dies at 71“. Foxnews.com (23-iyun 2008-yil). Qaraldi: 23-iyun 2008-yil.
  7. ↑ „George Carlin becomes first posthumous Mark Twain honoree“. Reuters (23-iyun 2008-yil). Qaraldi: 25-iyun 2008-yil.