Gepatit (yun. hepar; hepatos - jigar) - jigar yalligʻlanishi bilan kechadigan kasalliklar guruhi hisoblanadi. Infeksion (virusli gepatit A, V, S, Ye, D) yoki infeksiyasiz gepatit (ovqatdan zaharlanish) hamda birlamchi va ikkilamchi infeksion gepatit hisoblanadi. Gepatit brutsellyoz, bezgak kasalliklar, shuningdek, surunkali meʼda ichak kasalliklarida kuzatiladi. Gepatit oʻtkir va surunkali boʻladi. O'tkir gepatitda koʻz oqi va badan sargayishi, jigar kattalashish, jigar sohasida ogʻirlik va ogʻriq paydo boʻladi, bemorning koʻngli aynib, qusadi, ishtahasi yoʻqoladi, ogʻzi taxir boʻlib qoladi. Baʼzan homiladorlik toksikozlarida ham oʻtkir gepatit roʻy beradi. Oʻtkir gepatit oʻz vaqtida davolanmasa yoki bemor parhez qilmasa, jigarning maxsus (parenximatoz) toʻqimasi biriktiruvchi toʻqima bilan almashinadi. Baʼzi holatlarda oʻtkir gepatit 2-3 oyga choʻzilib, surunkali gepatetga aylanish holatlari yuzaga keladi. Kasallikning boshlanish davrida bemorning ahvoli deyarli oʻzgarmaydi hatto ishlayveradi, kasallik esa zoʻraya borishi natijasida bemorning koʻz oqi va badani sargʻaya boshlaydi. Gepatitga chalingan bemor yotishi, jigar sohasini issiq tutishi kerak. Bemor ovqatida oson hazm boʻladigan uglevod, oqsil va vitaminlar yetarli boʻlishi va yogʻ kam boʻlishi kerak. Koʻproq hoʻl meva, sabzavotlar sharbati, qand-shakar, murabbo, asal, shuningdek, yengil hazm boʻladigan ovqatlar -sirguruch, shovla, sut, qatiq, pishloq va tvorog buyuriladi.
Gepatit (grekcha: ἡpátῖtís, dan ἥpar — jigar) — yalligʻlanish kasalliklar jigar turli, yilda shu jumladan virusli etiologiya. Umumiy maʼnoda, u jigarning har qanday yalligʻlanishini tavsiflaydi. 2016-yilda oʻtkazilgan yirik xalqaro tadqiqot gepatitdan oʻlim darajasi sil, bezgak va OIV[1]. Jahon gepatitga qarshi kurash kuni 28-iyul kuni nishonlanadi.