WikiQuiz – WikiStipendiya loyihasi doirasida oʻtkazilgan intellektual zakovat oʻyini. WikiQuiz oʻtkazish orqali yoshlar orasida Vikipediyani targʻib etish, shuningdek, Vikipediyaga tayangan savollar orqali maqolalar oʻqilish sonini koʻpaytirish maqsad qilingan. WikiQuiz „Zakovat“ NNT bilan hamkorlikda tashkil etilgan boʻlib, 2023-yilning 22-sentyabridan shu yilning 1-dekabriga qadar boʻlib oʻtdi. WikiQuiz oʻyinlari rasman „Zakovat Arena“ binosida, bundan tashqari, norasmiy ravishda WikiTurlar mobaynida Qoraqalpogʻiston va Xorazm kabi viloyatlarda ham tashkil etildi.
