Rihanna

Robyn Rihanna Fenty (Bridgetown, Barbados, 20 de febrero de 1988), conoixida simplament como Rihanna, ye una cantaire, actriz y disenyadora de moda barbadense. Prencipió a suya carrera en 2003 cuan fació un casting pa o productor musical Evan Rogers. A la edat de deciséis, Rogers, decidió levar-la a os Estaus Unius pa gravar maquetas. Dimpués fació una audición pa Jay-Z y sinyó un contracto de seis discos con Def Jam Recordings. Os suyos primers materials discograficos, Music of the Sun (2005) y A Girl Like Me (2006), aconsiguioron gran exito comercial en os países de luenga anglesa. Manimenos, Rihanna adquirió fama mundial dimpuesas d'a publicación d'o suyo tercer disco d'estudio, Good Girl Gone Bad (2007), o que estió precediu por o single que la catapultó enta o estrelato, «Umbrella». Dende o 2009 a o 2011 a suya discografía fue expandiendo-se con a publicación de tres discos, Rated R (2009), Loud (2010) y Talk That Talk (2011). Os tres estioron certificaus platino por l'Asociación d'Industria Discografica d'Estaus Unius. A suya carrera musical continó con os exitos Unapologetic (2012) y Anti (2016). Toz dos aconsiguioron o numero un en o Billboard 200 y fuoron certificaus multi-platino por l'Asociación d'Industria Discografica d'Estaus Unius. A suya ampla discografía la ha ficau entre os artistas mes vendius de toz os tiempos con mas de 200 millons de produccions musicals distribuidas por tot o mundo. Amás ye l'artista con mas vendas dichitals de toz os tiempos, establindo una marca en O libro Guinness d'os Récords.Spotify l'atorgó o titol de l'artista femenina mas escuitada de toz os tiempos. Doce d'as suyas cancions se troban entre os singles mas vendius d'o mundo. Aconsiguió colocar catorce singles numero un en o Billboard Hot 100, convertindo-se en o tercer artista con mas cancions en dita posición. A revista Billboard la nombró «artista dichital» d'o decenio de 2000, «artista Hot 100» d'o decenio de 2010 y «artista Mainstream» mas important d'os zaguers 20 anyos. As revistas, Forbes y Time, han nombrau a Rihanna como una d'as celebridaz mas poderosas y influyents d'o mundo. A Rihanna le'n gualardonó con o «Premio Icono», en a gala d'os American Music Awards de 2013, por a suya trayectoria y contribución a o mundo d'a musica. En os MTV Video Music Awards de 2016 a cantaire recibió o premio Video Vanguard Award, una reconoixencia entregada a musicos que han teniu un fundo impacto en a dita «cultura MTV». D'o mesmo modo o suyo treballo ha estau reconoixiu con Premios Grammy, Billboard Music Awards u Premios Brit, entre atros premios.